[旅行記]之Day 3 (1)

昨日在新奧爾良市中心區遊逛了一整天，今日是要上郵輪，開始七天的西加勒比郵輪假期啦！早上在酒店吃過簡單的早餐之後，十時 check-out 酒店，今次可以响近市中心的 Budget 租車行還車，唔使去番飛機場的 Budget 還車，市中心好近郵輪碼頭，飛機場其實係响城市外圍。由酒店揸車去近市中心要半個小時，還咗車，以為叫架的士去碼頭，咁啱果度租車行有員工要揸架租車去另一處，可以免費載我們去郵輪碼頭 (後來，我們識做，有另外俾tips呢個人)。其實，由呢處租車行去郵輪碼頭只需十分鐘車程。去到碼頭，人山人海！呢艘郵輪載客三千幾，員工千幾人。郵輪在星期日早上返來，上一批遊客返上岸，而我們呢批遊客又準備上船，碼頭上有大約八千人上落，好熱鬧！

                                       由酒店房間望出去.....

                                   由郵輪上遠望過去......

 上咗船.....人們站在甲板上望去岸上，剛好有艘貨船經過

 

新奧爾良的郵輪碼頭位處密西西比河盡頭的凹位，郵輪要航行大約八小時才駛出去海洋。郵輪在下午四時半起航，所以，要到半夜才會駛出海洋

郵輪在密西西比河上航行....沿岸景色

由郵輪上望去.......

~~下篇繼續....

[旅行記]之Day2 (3)

繼續上一篇....

                                            市中心的賭場

逛完市中心和海傍，我們行去街車站搭六號車，呢線車就係由城市的一頭行去另一頭，在電軌上行駛，一條直路。我們上咗車，搭幾個站，去 Bourbon 街，又稱做"基佬街"。

來到呢度著名的"基佬街"啦！呢度夜晚唔準通車，三教九流人物聚集，呢處的小酒店和公寓全部住哂同性戀人，男和男，女和女。不過呢度又係遊客區，我們呢種平民遊客只會在日間來遊逛，夜晚就唔敢去啦。

呢條街好長，酒吧、夜總會、三級商店林立，由一頭行到一尾，剩係响一間間門口經過，响門口瞄下，酒吧裏面好多人，黑蚊蚊兼好嘈，都要行成個鐘頭。

基佬和基婆們在樓上的露台向街上的遊客大叫！看見那彩虹旗和燈箱嗎？彩虹代表同性戀。

脫衣舞夜總會門口貼咗果d相好露骨，阿仔望到呢的相都陰陰笑。

     遊逛完 Bourbon 街，我們行返去街車站，搭車返去停車場....返番去酒店。

                         今晚我們來呢間海鮮餐廳吃晚餐

                     我們一樣叫一客炸海鮮併盆，阿仔食海鮮飽

下篇繼續.... Day 3...上郵輪

[旅行記]之Day 2 (2)

繼續上一篇.....

在上一篇，唔記得講....我們在未出發之前，有上網做"功課"。我們住的酒店是在新奧爾良城市的外圍，揸車去城市範圍內要半小時，我們去到"市中心"外邊，果度有d 私人停車場好平，幾元泊成日，市中心的停車場是計時的，泊半日起碼要$20 (US$)。我們將車泊在一處公司大樓的停車場，唔見有人收錢，但有座好似信箱嘅嘢响出入口處，每個停車位有個號數，停好架車之後，就揾果個信箱號數，泊成日只係两蚊，就塞两蚊入去，攪掂！我們行幾步去搭街車，六號車，只此一線，由城市一頭去到另一頭，實唔會蕩失路，好多遊客都係咁做。好快就有車嚟，一上車，每人放三蚊，買張 1-day pass，即是响呢一日之內來來回回任搭，否則，一程車費係$2.50。我們今日會搭幾程街車，嗱！計下數...泊車費$2+3張日票共$9= $11。如果將架車泊在市中心，起碼要$20以上，而且係遊完一度又要開車去第二度，仲麻煩！我們上咗車就直去到市中心近海傍才落車，開始行....

繼續上一篇....我們行到去法國市場：

                                       賣香料的專門檔口

                                       賣辣汁的專門檔口

                                                      街景

          嚟到呢個"街頭藝術家"廣場....好多賣畫的...

                                                  公園一角

                                     公園對面有座教堂

                             新奧爾良最著名的街頭爵士樂

                                               橫街景

                               廣場上有睇塔羅牌的檔子

                                                    街景

                                             行出來大街....

                           大街....有好多"高"樹

下篇見.... Day 2 (3)....去遊逛"基佬街"

[旅行記]之Day 2 (1)

Day 2   遊逛新奧爾良

今日我們要去遊逛三度地方：市中心 / 海傍、法國區 French Quarter、和Bourbon Street (又稱"基佬街)。我們去親旅行都會預早上網做定[功課].....

                海傍的水族館，有好多人排隊買票入場

                                     遠望到的大橋和海洋

                                        市中心 / 海傍有公園

                    呢艘就係遊密西西比河的蒸氣船

                                行去市中心的街道

                                法國區其中一座樓門前

                                                觀光巴士

                                      其中一間商店的門口

                                    遊客區梗有的馬拉車

                        新奧爾良興舞臺劇，呢度係劇院門口

法國區著名的咖啡店，大排長龍，我哋排咗半小時買咗咖啡和炸糖餅，係"外賣"，要坐响街邊食。如果要坐入去餐廳裏面，要等成個幾小時才有位，犀利！

                              行到嚟法國市場


下篇   Day 2 (2)    見........

美國新奧爾良和西加勒比郵輪假期的[旅行記]

Day 1

今年八月中，我們仨的旅行是去了美國新奧爾良和七天西加勒比郵輪假期。八月和九月都是這些地方的颱風季節，好在，我們今次在旅行期間，沒有打風，不過，因為新奧爾良位在水位之下，天氣本來已經是熱，加上潮濕空氣，就非常翳焗，三十度C會感覺到四十幾度C。

我們的一年一度的要[搭飛機]的旅行開始啦！

                                    因為是北美"國內"，乘搭的是載客百多人的小型飛機

                                          由我們所住的城市飛到芝加哥機場要三個小時

由芝加哥再搭两小時機，去到新奧爾良，在機場pick up 咗租車，在去酒店途中.....

                                              到酒店啦.....就係租咗呢架車..
..

                                              我們住呢間酒店

入住呢間酒店唯一的一間專俾聽障客人住的房，牆上裝咗特別警號閃燈。我話：我都唔會單獨去旅行，使咩咁誇張，要住特別房。有咩事嘅話，老公會拖住我走架。

check-in咗酒店，放低行李，已經係六點，去呢間响新奧爾良出名的ACME海鮮餐廳吃晚餐。

                                     新奧爾良人食嘢梗要落辣汁，枱面必有的三種辣汁

                                                                  先嚟一打BBQ生蠔

                                                            然後就係炸海鮮併盆

下篇    Day 2 見.......