大家好！

停咗寫blog有半年了，我沒有"人間蒸發"，我仍然天天去探人，知道你們最近做咩。你們仲問候我，真唔好意思，所以，决定浮上來。我是老"宅女"，除了出街買下嘢，我自己就邊度都唔去。住响呢個唔大唔細的城市，平時無咩活動。我又唔識煑嘢，唔興特別去整嘢食，老公同阿仔係唔會試食"實驗品"，自己一個人點消滅d嘢？我又種親咩都C，所以，我無好似你們可以日日有咁多多姿多采的相post上來！

我現在天天都上網睇片集，有時睇電影，不過，現在的電影，無咩邊套好睇，況且，網上的免費電影唔update，要等戲院做完落畫才可以出在網站。果套好hot的韓劇[星星....]，我睇咗两集就無繼續，我都"幾十歲人"了，對年青人的純愛情故事無咩興趣。而家香港無線日日做緊嘅，我只追[點金勝手]和[愛.回家]，無睇[西遊記]。之前，我有睇完大陸果套[宮鎖連城]和[步步驚心]，仲有紀錄片[舌尖上的中國2]。呢排打開套舊的[國家地理百年紀念特輯]來看，總共一百集，每集大約一小時，每集一個主題，每日追完update的片集，有時間就睇紀錄片，我講俾老公知，等我睇完一百集[國家地理]，我的"通識"就會好豐富啦！哈哈哈！

春、夏、秋天的長週末，我們仨仍然會去多倫多和尼亞加拉瀑布區遊逛。今年八月中，我們會再去美國新奧爾良和乘搭郵輪暢遊加勒比。今年我們仨會和我的(張祝珊英文中學)老同學一家三口一齊去旅遊，两家共六人。

下一篇再談......